ՌԴ-ում ՀՀ դեսպան Վաղարշակ Հարությունյանի շնորհավորական խոսքն Ամանորի և Սուրբ Ծննդյան տոնի առթիվ

30 դեկտեմբերի, 2022

ՌԴ-ում ՀՀ դեսպան Վաղարշակ Հարությունյանի շնորհավորական խոսքն Ամանորի և Սուրբ Ծննդյան տոնի առթիվ․

«Հարգելի ՛ ընկերներ,

Սիրելի ՛ հայրենակիցներ,

ՌԴ-ում ՀՀ դեսպանության և անձամբ իմ անունից թույլ տվեք շնորհավորել ձեզ գալիք 2023թ․-ի և Սուրբ Ծննդյան տոնի առթիվ։

Համոզված եմ, որ այս դժվարին ժամանակներում մեր ժողովրդի առջև ծառացած մարտահրավերների և բարդությունների հաղթահարման երաշխիքներն են` մեր միասնությունը, պետական արժեքների նկատմամբ հավատարմությունն ու բոլոր նպատակների կյանքի կոչման գործում համատեղ ամենօրյա աշխատանքը։

Հարգելի ընկերներ,

Անցնող տարում մենք շարունակել ենք եռանդով լի աշխատանքը հայ-ռուսական բազմոլորտ համագործակցության զարգացման ուղղությամբ։ Վստահ եմ, որ 2023թ․-ին համատեղ ջանքերով մեզ կհաջողվի ապահովել մեր պետությունների և ժողովուրդների միջև հետագա փոխգործակցության առավել խորացումը։

Գալիք տարվա ամենաբարի սպասումներով՝ ի սրտե մաղթում եմ ձեզ բոլորին ամուր կամք, հաջողության հասնելու գործում անկոտրում հավատք և քաջառողջություն»։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր