Դեսպան Վ․Հարությունյանը հանդիպել է ԱՊՀ Գլխավոր քարտուղար Սերգեյ Լեբեդևի հետ

12 հունվարի, 2023

Հունվարի 12-ին տեղի է ունեցել ՌԴ-ում ՀՀ դեսպան Վաղարշակ Հարությունյանի հանդիպումը ԱՊՀ Գլխավոր քարտուղար Սերգեյ Լեբեդևի հետ։

Հանդիպմանը կողմերը քննարկել են կառույցի շրջանակներում ՀՀ գործունեությանն առնչվող մի շարք հարցեր։ Զրուցակիցները, մասնավորապես, անդրադարձել են տնտեսական և առևտրային ոլորտում ընթացող ինտեգրացիոն գործընթացներին, ընդգծել տնտեսական, մշակութային և հումանիտար կապերի հետագա ամրապնդման կարևորությունը։

Վաղարշակ Հարությունյանը Սերգեյ Լեբեդևին է ներկայացրել Ադրբեջանի կողմից Լեռնային Ղարաբաղը Հայաստանին և արտաքին աշխարհին կապող միակ ճանապարհի`Լաչինի միջանցքի արգելափակման հետևանքով ստեղծված իրավիճակը։

Հանդիպման ավարտին Սերգեյ Լեբեդևը ՌԴ-ում ՀՀ դեսպանության դեսպանորդ, ԱՊՀ Տնտեսական խորհրդի տնտեսական հարցերով հանձնաժողովում ՀՀ լիազոր ներկայացուցիչ Արսեն Առաքելյանին հանձնել է շնորհակալագիր գործունեության ավարտի կապակցությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր