Դեսպան Վ․Հարությունյանը հանդիպել է Մոսկվայի հայկական թատրոնի անձնակազմի հետ

23 հունվարի, 2023

ՌԴ-ում ՀՀ դեսպան Վաղարշակ Հարությունյանն օրերս հանդիպել է Մոսկվայի հայկական թատրոնի (ղեկավար՝ Սլավա Ստեփանյան) անձնակազմի հետ։

Ողջունելով հյուրերին՝ ՌԴ-ում ՀՀ դեսպանն առանձնահատուկ ընդգծել է հայկական թատրոնի գործունեության կարևորությունը հայ-ռուսական մշակութային փոխգործակցության շրջանակում ու պատրաստակամություն հայտնել համագործակցության խորացման հարցում։

Հանդիպմանը թատրոնի ղեկավար Սլավա Ստեփանյանը ներկայացրել է Մոսկվայի հայկական թատրոնի ստեղծագործական ձեռքբերումներն ու պատմել հայ ժողովրդի պատմության տարբեր իրադարձություններին նվիրված բեմադրությունների մասին։

Զրույցի ընթացքում քննարկվել են մի շարք հարցեր հետագա փոխգործակցության վերաբերյալ։

***

Մոսկվայի հայկական թատրոնը սկիզբ է առել XX-րդ դարի 20-ական թթ․-ին, երբ Լազարյանների տանը սկսել է գործել Երկրորդ (հայկական) դրամատիկական ստուդիան՝ Սուրեն Խաչատուրովի (Ա․Խաչատրյանի ավագ եղբոր) գլխավորությամբ։ Մոսկվայի հայկական թատրոնի նոր շրջանի պատմությունը սկսվել է 2002թ․-ին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր