Հայաստանի Հանրապետության սփյուռքի գործերի գլխավոր հանձնակատար Զարեհ Սինանյանի աշխատանքային այցը Ռուսաստանի Դաշնություն

25 հունվարի, 2023

Հունվարի 25-ին ՌԴ-ում ՀՀ դեսպան Վաղարշակ Հարությունյանը դեսպանությունում հանդիպում է ունեցել ՌԴ-ում աշխատանքային այցով գտնվող ՀՀ սփյուռքի գործերի գլխավոր հանձնակատար Զարեհ Սինանյանի հետ։

Սփյուռքի գործերի գլխավոր հանձնակատարը ներկայացրել է մի շարք նախագծերի իրագործման ուղղությամբ գրասենյակի կողմից տարվող աշխատանքները, ինչպես նաև տեղեկացրել 2023 թվականին նախատեսված ծրագրերի մասին։

Նույն օրը դեսպանությունում կայացել է Զ.Սինանյանի հանդիպումը Մոսկվայի և Մոսկվայի մարզի երիտասարդության հետ։

Հանդիպման ընթացքում Զ.Սինանյանը պատմել է գրասենյակի ռազմավարության և տարվող քաղաքականության մասին, ինչպես նաև ներկայացրել սփյուռքի ներուժի ակտիվացմանն ուղղված մի շարք ծրագրերի շնորհանդեսը։

Սփյուռքի գործերի գլխավոր հանձնակատարը պատասխանել է նաև ներկաների բազմաթիվ հարցերին, որոնք վերաբերում էին գրասենյակի գործունեությանը, միջազգային կառույցների հետ համագործակցությանը, երիտասարդական համաժողովի անցկացմանը և այլն։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր