Ռուսաստանի Դաշնությունում Հայաստանի Հանրապետության դեսպան Վաղարշակ Հարությունյանի ուղերձը ՀՀ ԶՈւ կազմավորման օրվա առթիվ

28 հունվարի, 2023

«Հարգելի բարեկամներ,

Թանկագին հայրենակիցներ,

Սրտանց շնորհավորում եմ ձեզ Հայաստանի Հանրապետության Զինված ուժերի կազմավորման օրվա առթիվ։

Հունվարի 28-ն առանձնահատուկ օր է մեր ժողովրդի համար, որը հպարտանում է իր քաջ պաշտպանների բազմաթիվ սերունդներով։

Այս տոնը մարմնավորում է մեր զինծառայողների նկատմամբ հարգանքի և Հայրենիքի ազգային շահերի պաշտպանության գործում նրանց հերոսական վաստակի գնահատման զգացմունքները։

Անցած տասնամյակների ընթացքում Հայոց բանակը, անցնելով ամենածանր փորձություններով, հավատարիմ է մնացել իր կարևորագույն առաքելությանն ու այս օրերին շարունակում է անվերապահորեն կատարել պետության պաշտպանական կարողության ապահովման և ինքնիշխանության պաշտպանության խնդիրները։

Հարգելի բարեկամներ,

Այսօր մենք երախտագիտությամբ ենք հիշում մեր հերոսների սխրանքների մասին և գլուխ խոնարհում իրենց կյանքը նահատակած մարտիկների հիշատակի առջև։

Վստահ եմ, որ մեր բանակի հետ միասնականությամբ, ընդհանուր ջանքերով և ամենօրյա աշխատանքով մեզ կհաջողվի հաղթահարել մեր առջև կանգնած մարտահրավերներն ու ամրապնդել մեր պետականությունը։

Փառք Հայաստանի Հանրապետության Զինված ուժերին,

Հավերժ հիշատակ հանուն Հայրենիքի նահատակված պաշտպաններին»։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր