Դեսպան Վ.Հարությունյանը մասնակցել է Ստալինգրադի ճակատամարտում տարած հաղթանակի 80-ամյակին նվիրված միջոցառումներին

02 փետրվարի, 2023

Փետրվարի 2-ին Ռուսաստանի Դաշնությունում Հայաստանի Հանրապետության դեսպան Վաղարշակ Հարությունյանը Վոլգոգրադում մասնակցել է Ստալինգրադի ճակատամարտում տարած հաղթանակի 80-ամյակին նվիրված միջոցառումներին։

Միջոցառումների շրջանակներում կայացել է Ռազմական փառքի սրահում անմար կրակի, Խորհրդային միության մարշալ Վ.Չույկովի գերեզմանի, Անհայտ զինվորի գերեզմանի և Եղբայրական գերեզմանի մոտ ծաղիկների զետեղման արարողությունը, Վոլգոգրադի տարածքային կայազորի զորամասերի շքերթը և տոնական համերգ։

Նույն օրը, ելույթ ունենալով Ստալինգրադի ճակատամարտում հաղթանակի 80-ամյակին նվիրված հանդիսավոր ընդունելությանը, ՀՀ դեսպանն ընդգծել է Երկրորդ համաշխարհային պատերազմի հաղթական ելքում Ստալինգրադի ճակատամարտի որոշիչ և բեկումնային դերը, ինչպես նաև նշել այդ հաղթանակում հայ ժողովրդի նշանակալի ներդրման մասին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր