ՌԴ-ում ՀՀ դեսպանը հանդիպել է ՌԴ-ում Դանիայի դեսպանության ներքո Ֆարերյան կղզիների ներկայացուցչության ղեկավարի հետ

28 փետրվարի, 2023

Փետրվարի 28-ին ՌԴ-ում ՀՀ դեսպան Վաղարշակ Հարությունյանը հանդիպել է ՌԴ-ում Դանիայի Թագավորության դեսպանության ներքո Ֆարերյան կղզիների ներկայացուցչության ղեկավար Հակուն Դյուրհուսի հետ։

Հանդիպմանը քննարկվել են տարածաշրջանային և միջազգային օրակարգին առնչվող հարցեր։

Դեսպան Վ․Հարությունյանը զրուցակցի ուշադրությունն է հրավիրել Ադրբեջանի կողմից 2022թ. սեպտեմբերին ՀՀ ինքնիշխան տարածքի դեմ սանձազերծած լայնածավալ ագրեսիայի, ինչպես նաև 2022թ. դեկտեմբերից Լեռնային Ղարաբաղի ապօրինի շրջափակման հետևանքով տարածաշրջանում ստեղծված իրավիճակին:

Անդրադառնալով Ադրբեջանի կողմից Լաչինի միջանցքի արգելափակման հետևանքով Լեռնային Ղարաբաղի բնակչության առջև ծառացած հումանիտար մարտահրավերներին՝ Վ․Հարությունյանն ընդգծել է իրավիճակի շուրջ միջազգային հանրության համապատասխան արձագանքի կարևորությունը։

Կողմերը քննարկել են նաև առևտրատնտեսական համագործակցությանն առնչվող մի շարք հարցեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր