Դեսպան Վ․Հարությունյանը հանդիպել է Յուգրայի փոխնահանգապետի հետ

01 մարտի, 2023

Փետրվարի 28-ին ՌԴ-ում ՀՀ դեսպան Վաղարշակ Հարությունյանը հանդիպել է Խանտի Մանսիյսկի ինքնավար շրջան – Յուգրայի փոխնահանգապետ Ալեքսեյ Զաբոզլաևի հետ։

Հանդիպմանը դեսպան Վ․Հարությունյանը նշել է, որ ՌԴ մարզերի հետ բազմակողմ կապերի զարգացումը հանդիսանում է առաջնային խնդիր։ ՌԴ-ում ՀՀ դեսպանը նկատել է, որ հայ-ռուսական միջտարածաշրջանային համագործակցության շրջանակում ստեղծված են անհրաժեշտ պայմաններ առևտրատնտեսական, գիտակրթական և հումանիտար, մշակութային կապերի զարգացման համար։

Իր հերթին Ալեքսեյ Զաբոզլաևն ընդգծել է շրջանի և Հայաստանի միջև կուտակված համագործակցության ողջ ներուժի օգտագործման կարևորությունը՝ փոխշահավետ ծրագրերի իրականացման հարցում։

Հանդիպմանը կողմերը քննարկել են Հայաստանի մարզերի և Յուգրայի միջև կապերի ակտիվացման հարցերը։ Զրուցակիցները միջտարածաշրջանային կապերի զարգացման համատեքստում անդրադարձել են նաև տեղի հայ համայնքի դերին։

Հանդիպման ավարտին փոխնահանգապետը հրավիրել է հայաստանյան պատվիրակությանը՝ մասնակցելու Խանտի Մանսիյսկում այս տարվա հունիսին կայանալիք ԲՐԻԿՍ և ՇՀԿ անդամ երկրների մասնակցությամբ ՏՏ ոլորտի միջազգային ֆորումին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր