Դեսպանություն են այցելել ՌԳԱ Ատոմային էներգետիկայի անվտանգ զարգացման խնդիրների ինստիտուտի ներկայացուցիչները

25 մարտի, 2023

Մարտի 24-ին ՌԴ-ում ՀՀ դեսպանություն են այցելել Ռուսասատնի գիտության ակադեմիայի Ատոմային էներգետիկայի անվտանգ զարգացման խնդիրների ինստիտուտի ներկայացուցիչները՝ գիտ․հաստատության տնօրեն Լեոնիդ Մատվեևի ղեկավարությամբ։

Ողջունելով հյուրերին՝ ՌԴ-ում ՀՀ դեսպան Վաղարշակ Հարությունյանը նշել է, որ Հայաստանը վաղեմի կապեր ունի ՌԳԱ Ատոմային էներգետիկայի անվտանգ զարգացման խնդիրների ինստիտուտի հետ։ Դիվ․ներկայացուցչության ղեկավարի խոսքով՝ հայաստանյան մասնագետները բոլոր ժամանակներում ակտիվ համագործակցել են նշյալ գիտ․հաստատության հետ։

Իր խոսքում դեսպան Վ․Հարությունյանն ընդգծել է երկու երկրների գիտական շրջանակների միջև ատոմային էներգետիկայի անվտանգության ոլորտում համագործակցության զարգացման կարևորությունը։

Նշենք, որ հանդիպման շրջանակում հյուրերի համար կազմակերպվել է շրջայց Լազարյանների պատմական տան սրահներով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր