Հայաստանի օրերը Կրասնոդարի երկրամասում

29 մարտի, 2023

Ապրիլի 1-ից 4-ը ՌԴ Կրասնոդարի երկրամասի ք․Սոչիում մեկնարկում է «Հայաստանի օրերը» ծրագիրը։ Նախաձեռնության կազմակերպիչներն են՝ ՌԴ-ում ՀՀ դեսպանությունը և դիվ․ներկայացուցչության ներքո գործող Մշակույթի կենտրոնը՝ ք․ Սոչիի վարչակազմի և տեղի հայ համայնքի աջակցությամբ։

Ծրագիրն ուղղված է լայն հանրության շրջանում հայկական մշակութային ժառանգության և հայ-ռուսական պատմական կապերի ու արժեքային միասնության ներկայացմանը։

Կրասնոդարի երկրամաս այցի շրջանակում ՌԴ-ում ՀՀ դեսպանը մի շարք հանդիպումներ կունենա երկրամասի և ք․Սոչիի վարչակազմի ղեկավարության հետ։

Մշակութային ծրագիրը բաղկացած է հետևյալ միջոցառումներից․

«Սարյանից մինչև Փարաջանով» խորագրով կերպարվեստի ցուցահանդես

/Ապրիլի 1-ից 16-ը – ք․ Սոչի, Արվեստի թանգարան/

Հայկական կինոյի 100-ամյակին նվիրված ռետրոսպեկտիվ ցուցադրումների շարք

/Ապրիլի 1-ից 5-ը – «Ռոդինա» արտ-մեդիա կենտրոն/

Բաց լսարան /«Հայաստանը համաշխարհային քաղաքակրթությունների համատեքստում» խորագրով դասախոսություն

Ապրիլի 4-ին /ժամը՝ 16․00-ին/ - ք․Սոչիի Երիտասարդության տուն

Գալա համերգ / «Հայաստան-Ռուսաստան․ մշակույթների երկխոսություն»/

Ապրիլի 2-ին /ժամը՝ 19․00/ - ք․ Սոչիի Ձմեռային թատրոն

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր