ՌԴ-ում ՀՀ դեսպան Վ․ Հարությունյանի և ՌԴ Կրասնոդարի երկրամասի նահանգապետ Վ․ Կոնդրատևի հանդիպումը

30 մարտի, 2023

Մարտի 30-ին ք․Կրասնոդարում կայացել է ՌԴ-ում ՀՀ դեսպան Վաղարշակ Հարությունյանի և ՌԴ Կրասնոդարի երկրամասի նահանգապետ Վենիամին Կոնդրատևի հանդիպումը։

Հանդիպմանը խոսելով հայ-ռուսական միջտարածաշրջանային հարաբերությունների հետագա զարգացման մասին՝ ՌԴ-ում ՀՀ դեսպանն ընդգծել է Կրասնոդարի երկրամասի առանձնահատուկ նշանակությունը։

Վաղարշակ Հարությունյանն իր խոսքում, մասնավորապես, նշել է, որ Հայաստանը վաղեմի բարեկամական կապեր ունի Կրասնոդարի երկրամասի հետ։ Երկրամասի հետ համագործակցության համատեքստում առանձին անդրադարձ է կատարվել տեղի հայ համայնքի նշանակալի դերին։

Զրույցի ընթացքում Վ․Հարությունյանն ու Վ․Կոնդրատևը քննարկել են առևտրատնտեսական, տրանսպորտային, հումանիտար և կրթական ոլորտներում համագործակցության զարգացման հարցերի լայն շրջանակ։

Երկուստեք ընդգծվել է, որ բոլոր բնագավառներում կուտակված ներուժն ընձեռում է նոր հնարավորություններ համագործակցության հետագա խորացման համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր