Դեսպան Վ․Հարությունյանի հանդիպումը Կրասնոդարի հայ համայնքի ներկայացուցիչների հետ

01 ապրիլի, 2023

Մարտի 30-ին ՌԴ Կրասնոդարի երկրամաս կատարած աշխատանքային այցի շրջանակներում ՌԴ-ում ՀՀ դեսպան Վաղարշակ Հարությունյանը հանդիպել է ք․ Կրասնոդարի հայ համայնքի ներկայացուցիչների հետ։

Հանդիպմանն ունեցած իր ելույթում դեսպան Վ․Հարությունյանը խոսել է հայ-ռուսական հարաբերությունների արդի փուլի և երկու երկրների միջև միջտարածաշրջանային հարաբերությունների օրակարգի առաջնահերթությունների մասին, ինչպես նաև հանգամանալից անդրադարձ կատարել տարածաշրջանում ստեղծված իրավիճակին և ընթացող զարգացումներին։

ՌԴ-ում ՀՀ դեսպանը պատասխանել է նաև հանդիպման մասնակիցների մի շարք հարցերի՝ անդրադառնալով ՀՀ արտաքին քաղաքականությանը, հայ-ռուսական բազմակողմ հարաբերություններին, ՀՀ-ում առկա ներդրումային հնարավորություններին և այլ թեմաներին։ Համայնքի ներկայացուցիչների հարցերին պատասխանել է նաև հանդիպմանը ներկա Դոնի Ռոստովում ՀՀ Գլխավոր հյուպատոս Լևոն Մինասյանը։

Հանդիպման ավարտին Վ․Հարությունյանը հայ-ռուսական հարաբերությունների զարգացման գործում ունեցած ավանդի համար համայնքային երկու կառույցի ղեկավարներին հանձնել է դեսպանության շնորհակալագրերը։

Կրասնոդարի երկրամաս այցի շրջանակներում ՌԴ-ում ՀՀ դեսպանն այցելել է նաև ՀԱԵ Հարավային Ռուսաստանի հայոց թեմի ներքո գործող մշակույթի կենտրոնն ու կիրակնօրյա դպրոցը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր