Դեսպան Վ․Հարությունյանն այցելել է Մոսկվայի պետական լեզվաբանական համալսարան

20 ապրիլի, 2023

Ապրիլի 18-ին ՌԴ-ում ՀՀ դեսպան Վաղարշակ Հարությունյանն այցելել է Մոսկվայի պետական լեզվաբանական համալսարան, որտեղ մասնակցել է «Հայագիտությունը լեզուների և մշակույթների համատեքստում» խորագրով միջազգային գիտական-գործնական համաժողովին։

Ելույթ ունենանլով համաժողովին՝ դեսպան Վ․Հարությունյանը ողջունել է գիտական նախաձեռնությունը և ընդգծել հայագիտության բանագավառում հայաստանյան և ռուսաստանյան գիտական համայնքների միջև կապերի զարգացման կարևորությունը։

ՌԴ-ում ՀՀ դեսպանը պատրաստակամություն է հայտնել նաև հետագայում ևս աջակցել Ռուսաստանում հայագիտական ուսումնասիրությունների զարգացմանն ուղղված նախաձեռնություններին։

Համաժողովին զեկույցներով հանդես են եկել ոլորտի մասնագետներ ինչպես Հայաստանից և Ռուսաստանից, այնպես էլ այլ երկրներից։

Վ․Հարությունյանն այցելել է նաև 2001թ․-ից ՄՊԼՀ-ում գործող Հայոց լեզվի և մշակույթի կենտրոն և ծանոթացել կենտրոնի աշխատանքներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր