Դեսպանությունում կայացել է հանդիպում Հայրենական մեծ պատերազմի վետերանների հետ

10 մայիսի, 2023

Մայիսի 8-ին Ռուսաստանի Դաշնությունում Հայաստանի Հանրապետության դեսպանության Մշակութային կենտրոնում կայացել է ՌԴ-ում ՀՀ արտակարգ և լիազոր դեսպան Վաղարշակ Հարությունյանի հանդիպումը Հայրենական մեծ պատերազմի վետերաններ Ռոզալիա Աբգարյանի և Ներսես Սիմոնյանի հետ։ Վետերանները Հայաստանից ժամանել են ՀՀ Ազգային Ժողովի պատգամավոր Ալեքսեյ Սանդիկովի նախաձեռնությամբ՝ կապված Հայրենական մեծ պատերազմի Հաղթանակի 78-ամյակի կապակցությամբ անցկացվող տոնակատարությունների հետ։

Իր խոսքում դեսպան Վ.Հարությունյանը շնորհակալություն է հայտնել վետերաններին Մեծ Հաղթանակի համար՝ նշելով, որ այն փոխեց համաշխարհային պատմության ընթացքն ու ապահովեց արժանապատիվ կյանք՝ բազմաթիվ սերունդների համար։ Միևնույն ժամանակ նա ընդգծել է ֆաշիզմի դեմ ընդհանուր Հաղթանակի գործում հայ ժողովրդի ունեցած ավանդը։

Հանդիպման ընթացքում դեսպանը վետերաններին շնորհել է «Անկախ պետությունների վետերանների (թոշակառուների) հասարակական կազմակերպությունների համագործակցություն» միջազգային միության համակարգող խորհրդի (նախագահ՝ գեներալ-գնդապետ Վասիլի Վոլկով) հուշամեդալը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր