Դեսպան Վ.Հարությունյանը հանդիպել է Սվերդլովսկի մարզի Օրենսդիր Ժողովի նախագահ Լ.Բաբուշկինայի հետ

11 մայիսի, 2023

Սվերդլովսկի մարզ կատարած աշխատանքային այցի շրջանակներում Ռուսաստանի Դաշնությունում Հայաստանի Հանրապետության դեսպան Վաղարշակ Հարությունյանը հանդիպել է մարզի Օրենսդիր Ժողովի նախագահ Լյուդմիլա Բաբուշկինայի հետ։

Հանդիպման ընթացքում քննարկվել են Հայաստանի Հանրապետության և Սվերդլովսկի մարզի միջև տարբեր ոլորտներում համագործակցությանն առնչվող հարցեր, այդ թվում, անդրադարձ է կատարվել միջխորհրդարանական կապերի ընդլայնմանը՝ ՀՀ Ազգային Ժողովի և ՌԴ Դաշնային Ժողովի միջև համագործակցության միջխորհրդարանական հանձնաժողովի աշխատանքների շրջանակներում:

Դեսպան Վ.Հարությունյանն ընդգծել է Ռուսաստանի Դաշնության մարզերի հետ համագործակցության հետագա զարգացման կարևորությունը և պատրաստակամություն հայտնել միջխորհրդարանական շփումների շրջանակներում փոխգործակցության կազմակերպման հարցում։

Լ.Բաբուշկինան, իր հերթին, նշել է երկկողմ իրավապայմանագրային դաշտի ընդլայնման անհրաժեշտությունը, ինչպես նաև առևտրատնտեսական կապերի ակտիվացման արդիականությունը:

ՀՀ դեսպանության պատվիրակության համար կազմակերպվել է շրջայց Սվերդլովսկի մարզի Օրենսդիր Ժողովի շենքում և թանգարանում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր