ՌԴ-ում ՀՀ դեսպանի հանդիպումը ք․Եկատերինբուրգի հայ համայնքի ներկայացուցիչների հետ

12 մայիսի, 2023

Մայիսի 12-ին՝ Սվերդլովսկի մարզ կատարած այցի շրջանակներում Ռուսաստանի Դաշնությունում Հայաստանի Հանրապետության դեսպան Վաղարշակ Հարությունյանը հանդիպել է Եկատերինբուրգի հայ համայնքի ներկայացուցիչների հետ։

Վ.Հարությունյանն իր խոսքում նշել է համայնքի կարևոր կապող դերը՝ հայ-ռուսական միջտարածաշրջանային համագործակցության զարգացման և ամրապնդման գործում։

Դեսպանն ընդգծել է Հայաստանի և Ռուսաստանի միջև դաշնակցային հարաբերությունների բարձր մակարդակը, որն առանցքային գործոն է հանդիսանում տարածաշրջանում կայունության և անվտանգության ապահովման համար։

Հանդիպման ընթացքում ՀՀ դեսպանը պատասխանել է հայրենակիցների բազմաթիվ հարցերին, որոնք հիմնականում վերաբերում էին երկկողմ հարաբերություններին և տարածաշրջանում առկա իրավիճակին։

Վ.Հարությունյանն այցելել է նաև Եկատերինբուրգի «Սուրբ Կարապետ» Հայ Առաքելական եկեղեցի և հանդիպել եկեղեցու առաջնորդ Տեր Արիստակես քահանա Օհանյանի հետ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր