Դեսպան Վ.Հարությունյանի հանդիպումը Պերմի հայ համայնքի հետ

15 մայիսի, 2023

Մայիսի 14-ին՝ Պերմի մարզ կատարած այցի շրջանակներում Ռուսաստանի Դաշնությունում Հայաստանի Հանրապետության դեսպան Վաղարշակ Հարությունյանը հանդիպում է ունեցել Պերմի հայ համայնքի ներկայացուցիչների հետ։

Վ.Հարությունյանն իր խոսքում նշել է համայնքի կարևոր դերը հայ-ռուսական միջտարածաշրջանային հարաբերություններում, ինչպես նաև Հայրենիքի հետ սոցիալական, հոգևոր և մշակութային կապերի զարգացման գործում։

Հանդիպման ընթացքում, մասնավորապես, քննարկվել են համայնքի գործունեությանը, հայ-ռուսական համագործակցությանը, Հարավային Կովկասում տիրող իրավիճակին վերաբերող հարցեր։

Հանդիպմանը ներկա տեղի հայկական կիրակնօրյա դպրոցի ուսուցիչներն անդրադարձել են Ռուսաստանում հայոց լեզվի ուսուցմանը, կրթական ծրագրերին, դասագրքերի տրամադրմանը և ուսուցիչների որակավորման բարձրացմանն առնչվող հարցերին։

Հայաստանի դեսպանը պատասխանել է նաև հայրենակիցներին հուզող հարցերին։

Հանդիպմանը «Պերմի երկրամասի հայկական մշակույթի կենտրոն» ՀԿ նախագահ Վաղարշակ Սարգսյանը պարգևատրվել է դեսպանատան շնորհակալագրով։

Այցի ընթացքում Վ.Հարությունյանը ծանոթացել է նաև Պերմի հայկական եկեղեցու շինարարական աշխատանքներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր