Դեսպան Վ.Հարությունյանը մասնակցել է Հայ-ռուսական միջխորհրդարանական հանձնաժողովի փորձագիտական խորհրդի առաջին նիստին

29 մայիսի, 2023

Մայիսի 26-ին Ռուսաստանի Դաշնությունում Հայաստանի Հանրապետության դեսպան Վաղարշակ Հարությունյանը մասնակցել է ՀՀ Ազգային ժողովի և ՌԴ Դաշնային ժողովի միջև համագործակցության միջխորհրդարանական հանձնաժողովի փորձագիտական խորհրդի առաջին նիստին։

Խորհրդում ընդգրկված են իրավունքի, միջազգային հարաբերությունների, մշակույթի ոլորտի մասնագետներ, գործարար հանրության ներկայացուցիչներ։

Իր ելույթում Վ.Հարությունյանը ողջունել է Խորհրդի ստեղծման նախաձեռնությունը, որի նպատակն է՝ ապահովել Միջխորհրդարանական հանձնաժողովի գիտաիրավական, փորձագիտական և տեղեկատվավերլուծական գործունեությունը։

Ռուսաստանում Հայաստանի դեսպանն ընդգծել է նաև դեսպանության պատրաստակամությունը՝ հնարավորինս աջակցել Խորհրդի առջև կանգնած խնդիրների լուծման հարցում։

Նիստին մասնակցել են Դաշնության խորհրդի նախագահի տեղակալ Յուրի Վորոբյովը, Պաշտպանության և անվտանգության կոմիտեի նախագահ Վիկտոր Բոնդարևը, Միջազգային հարաբերությունների կոմիտեի նախագահի առաջին տեղակալ Վլադիմիր Ջաբարովը, Դաշնության խորհրդի, Պետական դումայի, ՌԴ ԱԳՆ ներկայացուցիչներ և Խորհրդի անդամները։

Հանդիպման մասնակիցները քննարկել են Խորհրդի առաջիկա գործունեությանն առնչվող հարցեր։

Վիկտոր Բոնդարևը պարգևներ է շնորհել հայ-ռուսական հարաբերությունների ամրապնդման գործում մեծ ներդրում ունեցած հանդիպման մասնակիցներին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր