Ուլյանովսկում տեղի է ունեցել նորակառույց հայկական եկեղեցու օծման արարողությունը

29 օգոստոսի, 2023

Օգոստոսի 27-ին Ռուսաստանի Դաշնության Ուլյանովսկ քաղաքում տեղի է ունեցել նորակառույց Սուրբ Գրիգոր Լուսավորիչ Հայ Առաքելական եկեղեցու օծման հանդիսավոր արարողությունը, որն իրականացրել է Ռուսաստանի և Նոր Նախիջևանի հայոց թեմի առաջնորդ Տեր Եզրաս արքեպիսկոպոս Ներսիսյանը։

Միջոցառմանը մասնակցել են Ուլյանովսկի մարզի կառավարության ղեկավարի տեղակալ Վ.Անդրեևը, Ուլյանովսկի քաղաքապետ Ա.Բոլդակինը, Ռուս Ուղղափառ եկեղեցու, մարզային և քաղաքային իշխանության ներկայացուցիչներ, ինչպես նաև Ուլյանովսկի մարզի և ՌԴ շուրջ 40 այլ շրջանների հայ համայնքային կառույցների ներկայացուցիչներ:

Միջոցառմանը մասնակցել է ՌԴ-ում ՀՀ դեսպանության երկրորդ քարտուղար Գեղամ Ադամյանն, ով իր ելույթում ընդգծել է պատմական հայրենիքից դուրս եկեղեցու դերն ու կարևորությունը, առաջին հերթին, հոգևոր հիմքերի և ազգային ինքնության պահպանման տեսանկյունից։ Գ.Ադամյանը նաև նշել է, որ նմանատիպ միջոցառումները ևս մեկ անգամ վկայում են հայ և ռուս ժողովուրդների հոգևոր արժեքների ընդհանրության մասին և է ՛լ ավելի են ամրապնդում հայ-ռուսական դարավոր բարեկամական հարաբերությունները։

Իրենց հերթին, Վ.Անդրեևը և Ա.Բոլդակինը շնորհավորել են տեղի հայ համայնքին եկեղեցու բացման կապակցությամբ՝ նշելով, որ մարզային և քաղաքային իշխանությունները կշարունակեն հետայսու ևս աջակցություն ցուցաբերել մարզում բնակվող բոլոր ազգային փոքրամասնություններին և դավանանքների հետևորդներին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր