ՌԴ-ում Հայաստանի և Լեհաստանի դեսպանների հանդիպումը

15 սեպտեմբերի, 2023

Սեպտեմբերի 14-ին Ռուսաստանում Հայաստանի դեսպան Վաղարշակ Հարությունյանը ՌԴ-ում ՀՀ դեսպանությունում հանդիպեց Լեհաստանի դեսպան Կշիշտոֆ Կրաևսկիի հետ։

Դեսպան Հարությունյանը գործընկերոջը ներկայացրեց Հայաստանի Հանրապետության և Լեռնային Ղարաբաղի նկատմամբ Ադրբեջանի ագրեսիվ քաղաքականության արդյունքում տարածաշրջանում ստեղծված իրավիճակը։

Հատուկ ուշադրություն հրավիրվեց Ադրբեջանի կողմից Լաչինի միջանցքի ապօրինի արգելափակման հետևանքով Լեռնային Ղարաբաղում խորացող հումանիտար ճգնաժամի վրա և շեշտվեց, որ անթույլատրելի է 21-րդ դարում 120 հազար մարդկանց փաստացի պաշարման մեջ պահելու Ադրբեջանի քաղաքականությունը, որը նպատակ է հետապնդում էթնիկ զտման ենթարկել ԼՂ ժողովրդին:

Զրուցակիցները նաև մտքեր փոխանակեցին երկու երկրների համար փոխադարձ հետաքրքրություն ներկայացնող հարցերի շուրջ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր