Ռուսաստանում Հայաստանի և Ֆրանսիայի դեսպանների հանդիպումը

15 սեպտեմբերի, 2023

2023թ. սեպտեմբերի 14-ին Ռուսաստանում Հայաստանի դեսպանությունում կայացավ ՀՀ դեսպան Վաղարշակ Հարությունյանի և Ֆրանսիայի դեսպան Պյեր Լևիի հանդիպումը։

Զրուցակիցներն անդրադարձան փոխադարձ հետաքրքրություն ներկայացնող մի շարք հարցերի։

Հանգամանալից քննարկվեց Հարավային Կովկասում իրավիճակը, մասնավորապես՝ Ադրբեջանի կողմից Լաչինի միջանցքի ապօրինի շրջափակման հետևանքով Լեռնային Ղարաբաղում ստեղծված հումանիտար ծայրահեղ ծանր իրավիճակը, Հայաստանի պետական սահմանի և ԼՂ հետ շփման գծի երկայնքով ադրբեջանական զինված ուժերի կուտակումները, միջնորդների կողմից ձեռնարկվող քայլերը։

Դեսպան Հարությունյանը վերահաստատեց ՀՀ հանձնառությունը՝ լուծելու Ադրբեջանի հետ առկա խնդիրները բացառապես քաղաքական ճանապարհով։

Կողմերը պայմանավորվեցին շարունակել շփումները՝ միտված տարածաշրջանում խաղաղության և կայունության հաստատմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր