ՌԴ-ում ՀՀ դեսպան Վաղարշակ Հարությունյանը Սանկտ- Պետերբուրգում մասնակցել է միջազգային մշակութային համաժողովին

18 նոյեմբերի, 2023

Նոյեմբերի 16-18-ը ՌԴ-ում ՀՀ դեսպան Վաղարշակ Հարությունյանը Սանկտ Պետերբուրգում մասնակցել է միջազգային մշակութային համաժողովին, որն այս տարի ստացել է «Միացյալ մշակույթների ֆորում» անվանումը:

Համաժողովի միջոցառումներին մասնակցել են 73 երկրների և 56 պաշտոնական պատվիրակությունների ներկայացուցիչներ, այդ թվում ՝ ԱՊՀ-ից, ՇՀԿ-ից, ԲՐԻԿՍ-ից: Մշակույթի նախարար Օլգա Լյուբիմովայի խոսքով ՝ այս տարի համաժողովին մասնակցել է 34 մշակույթի նախարար:

Միջոցառման կազմակերպիչներն էին ՌԴ կառավարությունը, մշակույթի նախարարությունը, Սանկտ Պետերբուրգի իշխանությունները և Էրմիտաժը:

«Մշակութային ինքնիշխանությունը որպես պետական ինքնության հիմք» թեմայով պատվիրակությունների ղեկավարների հանդիպմանը ՌԴ մշակույթի նախարար Օլգա Լյուբիմովայի մասնակցությամբ՝ ՌԴ-ում ՀՀ դեսպան Հարությունյանը հանդես է եկել ելույթով։

Դեսպանն ուշադրություն է հրավիրել այն հանգամանքի վրա, որ ներկա բարդ ժամանակաշրջանում երկրի եւ ժողովրդի մշակութային ինքնիշխանության պահպանումը յուրաքանչյուր պետության գլխավոր խնդիրն ու պատասխանատվությունն է ՝ նշելով, որ մարդկության կայուն զարգացման համար այժմ առավել սուր է արժեքների հարցը՝ դրանց միավորումը սահմանելով որպես համաշխարհային վերափոխումների կայուն զարգացման բարձրագույն դրսևորում:

Հարությունյանը վստահություն է հայտնել, որ Սանկտ Պետերբուրգի համաժողովը ոչ միայն կմիավորի բոլոր երկրներին իրենց յուրահատուկ ժառանգությամբ և ինքնատիպությամբ, այլև «կստեղծի համաշխարհային մեկ, ընդհանուր հարթակի նախադեպ, որտեղ մշակույթների ինքնիշխանությունը միավորվում է մեկ դաշտում»:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր