Դեսպան Վ.Հարությունյանի հանդիպումը Ռոստովի մարզի նահանգապետ Վ.Գոլուբևի հետ

16 փետրվարի, 2024

Փետրվարի 16-ին Ռուսաստանի Դաշնությունում Հայաստանի Հանրապետության դեսպան Վաղարշակ Հարությունյանը՝ Ռոստովի մարզ կատարած աշխատանքային այցի շրջանակներում հանդիպում է ունեցել մարզի նահանգապետ Վասիլի Գոլուբևի հետ։

Հանդիպման ընթացքում քննարկվել են Հայաստանի և Ռոստովի մարզի միջև առևտրատնտեսական, մշակութային և հումանիտար ոլորտներում համագործակցության ակտիվացմանը, Արարատի մարզի և Ռոստովի մարզի միջև համագործակցության արդիականացված համաձայնագրի ստորագրման հնարավորությանը, ինչպես նաև Ռոստովի մարզում Հայաստանի մշակույթի օրերի անցկացմանը վերաբերող հարցեր։

Զրույցի ընթացքում նշվել է հայ համայնքի կարևոր կապող դերը՝ երկկողմ համագործակցության հետագա ամրապնդման գործում։

Հանդիպմանը մասնակցել է Դոնի Ռոստովում ՀՀ գլխավոր հյուպատոս Լևոն Մինասյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր