«Ռուսական երկաթուղիներ» ընկերության գլխավոր տնօրեն Օլեգ Բելոզյորովին շնորհվել է ՀՀ պետական պարգև

15 նոյեմբերի, 2024

Սեպտեմբերի 11-ին ՀՀ նախագահ Վահագն Խաչատուրյանի հրամանագրով «Ռուսական երկաթուղիներ» ընկերության գլխավոր տնօրեն Օլեգ Բելոզյորովին շնորհվել է Երախտագիտության մեդալ՝ հայ-ռուսական հարաբերությունների ամրապնդման և Հայաստանում աղետալի ջրհեղեղի հետևանքների վերացման գործում ունեցած նշանակալի ավանդի համար։

Նոյեմբերի 12-ին ՀՀ դեսպան Գուրգեն Արսենյանը ՀՀ նախագահի հանձնարարությամբ պետական պարգևը հանձնել է Օ․Բելոզյորովին։

Հանդիպմանը ՀՀ դեսպանը ՀՀ վարչապետի անունից և իր կողմից սրտանց շնորհակալություն է հայտնել «Ռուսական երկաթուղիներ» ընկերության ղեկավար անձնակազմին օգնության համար։ Նա հավելել է, որ Հայաստանը բարձր է գնահատում ռուս մասնագետների մասնակցությունը նման կարևոր գործում։

Հանդիպումն անցել է ընկերական և ջերմ մթնոլորտում։

Մայիսի 25-ից 26-ը Հայաստանի հյուսիսում հորդառատ անձրևների պատճառով Աղստև և Դեբեդ գետերը վարարել են, որի հետևանքով հեղեղվել է Ալավերդի քաղաքի մի մասը և հարակից մի քանի գյուղ։ Աղետի հետևանքների վերացման աշխատանքներում «Ռուսական երկաթուղիներ» ընկերության ակտիվ մասնակցության շնորհիվ հաջողվել է օպերատիվ իրականացնել և ժամկետից շուտ ավարտել երկաթուղու վերականգնման աշխատանքները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր