Դեսպանության հյուպատոսական բաժին առցանց դիմելու կարգը

02 հունիսի, 2020

Ի գիտություն քաղաքացիների

Վերսկսել է քաղաքացիների ընդունելությունը դեսպանության հյուպատոսական բաժնում։

Ընդունելության օրեր՝ երկ․- ուրբ․, ժամը՝ 9։00-ից մինչև 12։00-ն։

***

Ելնելով նոր տիպի կորոնավիրուսի տարածման հետևանքով ստեղծված իրավիճակից և ք․Մոսկվայում ինքնամեկուսացման ռեժիմի (ս/թ․մարտի 30-ից) սահմանման որոշումից՝ ՌԴ-ում ՀՀ դեսպանության հյուպատոսական բաժնում քաղաքացիների ընդունելությունը ժամանակավորապես դադարեցվում է։

Միևնույն ժամանակ հայտնում ենք, որ դեսպանության կողմից աշխատանքներ են իրականացվում հյուպատոսական ծառայությունների առցանց տրամադրման ուղղությամբ:

Հյուպատոսական բնույթի հարցերի վերաբերյալ անհրաժեշտ է հարցում հղել հետևյալ էլ․հասցեով՝ moscow.consul@mfa.am;
Հարցման մեջ անհրաժեշտ է նշել դիմողի անուն, ազգանունը և հեռախոսահամարը։ Ծառայությունը կարող է մատուցվել միայն դիմողի մոտ տեսակապի առկայության դեպքում /WhatsApp, Viber/:
Հարցումը ստանալուց և մշակելուց հետո հյուպատոսական բաժնի մասնագետի կողմից կապ է հաստատվում դիմողի հետ՝ անձը հաստատելու և այլ հարցեր հստակեցնելու նպատակով /աշխ․օրերին՝ երկ․-ուրբ․, ժամը՝ 9․00-ից 18․00-ն/։
Պետական տուրքի վճարումն իրականացվում է էլ․վճարային համակարգի միջոցով/ https://www.mfa.am/ru/howtopayonline:
Փաստաթուղթը տրամադրվում է պետական տուրքի վճարումից հետո հետևյալ տարբերակներով՝ առաքիչ ծառայության սուրհանդակների միջոցով /դիմողի հաշվին/, հյուպատոսական բաժնում/ըստ նախնական պայմանավորվածության։

Մինչև ս/թ․ապրիլի 7-ը նշյալ կարգը գործելու է փորձնական տարբերակով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր